Monday 20 February 2012

ايه كل الزبالة دى ؟؟؟؟؟؟؟؟؟؟؟؟؟؟؟؟

ايه كل الزبالة دى ؟؟؟؟؟؟؟؟؟؟؟؟؟؟؟؟

عنوان غريب , صح !!!

النهاردة خلال ذهابى الى دار السلام بالقاهرة صعقت وصدمت من كمية الزبالة المتراكمة بالشوارع وكان المنظر كالتالى :
بعد ما نزلت من الدايرى رايح ناحية  الشركة العامة لاستصلاح الاراضى الدنيا تمام وكالمعتاد زحمة ( الحمد لله ان الزحمة مطولتش)
المهم وصلت الى مطلع الكوبرى بعد عناء من المطبات وطبعا انسوا العفشة خالص!!  
وبعد تفادى الحفر والمطبات فى مطلع الكوبرى (بسيطه آه) وعند نزولى من الكوبرى فوجئت وصعقت من كمية الزبالة  قولت يمكن نزلة الكوبرى بس ولكن استمرت اكوام الزبالة متصلة بالجزيرة لوسطى للطريق (للامانة الرائحة مكنتش مزعجة ).
الجميل فى الامر الاتى :
1 - استمرار الناس فى رمى الزبالة على الرغم  دون ادنى احساس او تحمل مسئولية (كلام كبير صح ) .
2 - بعد انتهاء طابور الزبالة يوجد تجمع من الصبية (6 - 12 عام ) يقومون بتجميع المواد القابلة للتدوير اى اعادة التصنيع مثل المعلبات بانواعها  وعلى فكرة دا مشروع جميل جدا ومربح لو تم بشكل علمى مع بعض التغيير فى الثقافة المصرية (ينظر اليه كاهانه ).
3 - اذا تجرات على النصح والارشادلمن يرمى الزباله حتسمعوا ردح من القلبكم يحبة .



السؤال هنا > العيب على مين ؟؟؟؟؟؟؟؟

1  - هل على الناس اللى بترمى بدون احساس.  
2 - ام الوحدة المحلىة .
3 -شركات النظافة اللى بندفع فلوس ليها على الفواتير بدون مانشوف لها وجود حيوى وفعال .
4 - ام كل ما سبق .
5 - ولو كل ما سبق يبقى العيب على ميـــــــــــــــــــــــــــــن .




معلش احترت وحيرتكم معايا.


واللى اللقاء 
د/ على عبدالرحمن

No comments:

Post a Comment