Navigation

موسوعه س & ج للمبتدئين فى تربيه القطط..


موسوعه س& ج للمبتدئين فى تربيه القطط..

السلام عليكم ورحمه الله وبركاته

موضوع النهارده نوعه جديد شويه عباره عن تجميعه لاسئله المبتدئين فى تربيهالقطط والاجابات عليها ببساطه ووضوح :


نبتدى الموضوع بسم الله
س :- ياجماعه انا جيبت قطه جديده عمرها 45 يوم ياترى ااكلها ايه ؟؟
ج :- هتأكلها ياباشا جبنه نستو مثلثات وتشربها لبن خالى الدسم وزبادى خالى الدسم وتعودها على اكل البيت وتبعد عن الاكلات المحمرة والمسبك مع الاهتمام بمصدر للبروتين الحيانى كاللحوم او الدواجن والنباتى كالفول
وجبات ممنوعه :- منتجات اللحوم المصنعة  ( كالبلوبيف والانشون والبسطرمه ......الخ )
السبب :- بينقل امراض كالتوكسوبلازما للقطط وبعض انواع الديدان


س :- انا اول مرة اجيب قطة وعاوز اعرف اعودها على الرمل ازاى او الحمام؟؟
ج :- بالنسبه لموضوع الرمله دا حاجه فطريه فى القطط انها تدفن فضلاتهاودا سلوك مستمد من حياة الغابة بالنسبة لجدود القطط عشان المفترسين اللىاقوى منهم ميعرفوش مكانهم ولما القطه تاكل ب 5 دقايق شليها وحطيها على الرمله بتاعتها وهى حتى لو ماعملتش هتعرف ان ده المكان المناسب لدفن فضلاتها
بالنسبه للحمام صعبه وعاوزه ممارسه وتكرار
كل ما القطه تعمل حمام هتشيله وتحطه فى الحمام وتوديها تشممهولها ولو هى قطه صغيره هتفرشلها ورقه جرنان فى الحمام وبعد ما تأكلها ب 5 دقايق هتشيلها تحطها على الجرنان وتتستنى حبه ومره على مره حتى لو مفيش جرنان هتبقى متعوده على المكان ده
وبالنسبه للقطط الكبيره هتحط حبه رمله على مصفه البلاعه بتاعت الحمام ولما القطه تعمل حمام تشيله وتحطه على الرمله ومره على مره هى هتتعود ان فتحه البلاعه هى الحمام بتاعها


س :- القطه كانت بتلعب وفجأه نامت فى مكانها هى كده تعبانه وهى عندها ( من شهر ونص ل 3 شهور )
ج :- طبيعى جدا القطه فى العمر ده تنام لانها لسه صغيره ولو عملت اقل مجهود هتنام فى مكانها ومفهوش اى ضرر دى بتجمع قواها بس

س :- انا بحب القطط اوى بس انا اعرف انها بتعمل عقم للبنات ونفسى اربى قطه بس ليا اخت بنت ياترى موضوع العقم حقيقى ؟؟

ج :- بالنسبة للقط والتعامل معها فيفضل للحوامل عدم التعامل من لعب وتنظيف الليتر بوكس وغسل الايدى جيدا وذلك خوفا من الاصابة بطفيل التوكسوبلازما والذى يودى الى حدوث تشوهات للجنين حال اصابة الام فى الثلاث شهور الاولى من الحمل والى الاجهاض حال الاصابة فى الشهور الثلاث الاخيرة من الحمل وعلى الىغم من ذلك فان النسبة الاكبر من الاصابة بالتوكسوبلازما للانسان تحث نتيجة تناول منتجات اللحوم المصنعة او النص سوا والمصابة بالطفيل بنسبة تصل الى 70 %

اما بالنسبة للبنات الصغيريين فيفضل عمل تحليل نصف سنوى بامعامل الكبرى كالبرج والمختبر وذلك لبيان هل حدثت اصابة ام لا للتوكسوبلازما وهل تحتاج لعلاج ام لا حيث ان الانسان الذى يصاب بالتوكسوبلازما من غير الحوامل ياخذ مناعة مدى الحياة تحميه من الطفيل .


س :-القط وهو نايم بيعمل صوت غريب زى الشخير هو كده فى حاجه فى زوره ؟؟
ج :- الصوت ده اسمه خرخره القطط والقط بيطلعه لما يبقى فرحان او مرتاح نفسيا او قد يكون متالم.


س :- القطه على طول بتخربشنى وهى بتلعب ممكن اقص ضوافرها ولا غلط ؟؟
ج :- ينفع تقص للقطط ضوافرها بقصافه عاديه او بقصافه قطط بس بيتقص السن بس مش الضفر كله حتى لا يحدث نزيف .


س:- القط لو عمل حاجه غلط وانا مش عاوزه يعملها اعاقبه ازاى ؟؟
ج :- طبعا كل القطط بتغلط وبتدهول الدنيا وماينفعش نضربها الضرب مرفوض تماما الحل انك تجيب بخاخه ميه او مسدس ميه وترشه عليه لما تعمل حاجه غلط مع شخطه خفيفه فيها وتخلى بالك من الميه اوعى تيجى فى ودنها.


س :- شعر القط بيقع بغزارة؟
ج :-
وقوع شعر القطط شيئ طبيعى بس انه يقع كتير دهالشعر بيقع اما نتيجة تغيير الفصول او المرض او فى حالة طلب الزواج للانثى او نتيجه لسوء التغذيه والضعف العام ابعد عن الاكل المحفوووظ تماما وخليك ماشى فى الاكل الطبيعى

س :- عاوز احمى القط احميه ازاى ؟؟
ج :- لو هتحمى لوحدك هتمسكه من ايديه الاتنين اللى قدام وتنزل على جسمه الميه براحه وراعى انها ماتكونش ساقعه اوى او سخنه اوى واوعى الميه تيجى فى ودنه بعدين هتغسل جسمه بشامبو القطط واشطفه كويس بالميه واشطفله وشه بايدك ماتصبش عليه ميه وتحت رقبته ونشفه وسيبى يتعامل مع نفسه.


س :- اطعم القط بتاعى امتى ؟؟
ج :- التطعيم بيبدأ من اول ما القط يبقى عمره شهرين ونص بنروح للدكتور البيطرى بيطعم القط تطعيم اسمه الرباعى ضد اربعة امراض تصيب القطط كالكاليسى فيرس والبان ليكوبنيا فيرس وفيرس نقص المناعة وكذلك بكتريا الكلاميديا حيث ان هذه الامراض خطيرة وتودى الى موت القطط بنسبة كبيرة ثم تكرر الجرعة بعد 21 يوم ثم سنويا .

هناك تطعيم مهم اخر السعار عند عمر 5 - 6 شهور ثم يكرر سنويا 


س :- القط بتاعى بيعطس ياشباب هو كده مريض ؟؟
ج :- فى احتمالين الاول انه يبقى سليم مفهوش حاجه والعطس نتيجه لدخول اتربه فى انفه اثناء اللعب الاحتمال التانى انه يبقى مريض لو لقيته بينزل مخاط من انفه كتير وعينه معمصه ودايما بيعمل حمام اسهال يبقى مريض
وفى ملحوظه ان القط الطبيعى انفه بيبقى رطب مش مبلول ولا ناشف.


س:- القط انا لسه شاريه وكل شويه يجرى يستخبى ولما حد بيشيله بيقعد يترعش ؟؟
ج :- القط خايف شويه لان دى بيئه جديده عليه ولسه ماتعودش عليها وعشان تساعده انه مايبقاش خايف العب معاه وهو بياكل طبطب عليه براحه وهاتله الاكل اللى بيحبه بس تخلى بالك من اى حركه مفاجاه تعملهاله لانه بيبقى لسه متوتر.


س :- القط وانا بلعب معاه لقيت فيه حشرات ايه الحل ؟؟
ج:- الحل انك تجيبله اى وسيله من وسايل القضاء على الحشرات واحسنها الريفولوشن او طوق القطط الخاص بطرد الحشرات وكله هيبقى تمام بس بعد الرجوع للدكتور عشان يحدد الجرعة المضبوطة.


س :- القطه بتاعتى بتصطاد الحشرات وتيجى تجيبهالى هو ليه بيعمل كده ؟؟
ج:- القط صياد بطبعه عنده لازم يصطاد اى كائن اقل منه ويوديه لاولاده ياكلوه وهو بيعتبر صاحبه ملك ليه زى اولاده عشان كده بيجيبله الحشرات دى الحل اننا لما يعمل كده نشجعه لان لو ظعقنا فيه وعاقبنا هيتعلم الجبن والكسل وبعد كده ننظف البيئه اللى حوالينا كويس


س:- انا عندى قط دايما لما بخش البيت بيقعد يتمسح فى رجلى هو ممكن يكون عنده جرب او حشرات مضايقاه ؟؟
ج :- بالنسبه للذكور بتعمل كده عشان تسيب ريحتها الخاصه على صاحبها عشان اى قط تانى يبقى عارف حدوده كويس
بالنسبه للاناث فى فتره الحيض بيبقى عندها اضطرابات فى جسمها ومحتاجه شويه حنيه ومداعبه


س :- القطه بتاعتى فجأه بقت عماله تنونو نونوه فظيعه وصوتها وحش اوى وعماله تتلوى على الارض ومش عارفه مالها هو عندها 8 شهور ؟؟
ج :- كده القطه طالبه للزواج لانها دخلت فى مرحله الشبق الجنسى ولازم تتجوز والا هتفضل على الحال ده لمده اسبوع 

س :- القطه بتعتى دخلت فى مرحله الجواز وعماله تنونو وانا مش عارف اجيبلها دكر تتجوزه اعمل ايه ؟؟
ج :- لو مفيش ذكور خالص او معندكش امكانيه انك تجيب ذكر للقطه هتوديها لاقرب دكتور بيطرى هيديها حقنه تمنعها عن الجواز لفتره بس كترها مضر للقطه


س :- القطه عماله تشد فى الالعفش بضوافرها وبوظتهولى خالص اعمل ايه ؟؟
ج :- القطه كده بتقلم ضوافرها ياما نقص ضوافرها خالص يا اما نجيبلها خشبه ونلف عليها قطعه قماش خشن ونحطها فى مكان ظاهر وهى هتقلم ضوافرها عليه


س :- القطه رجعت الصبح كتله شعر كبيره مع ان محدش عندنا بيسيب شعره فى المشط او على التسريحه او فى اى حته جه منين ده ؟؟
ج :- القط دايما بيلحس نفسه عشان التنضيف وبما انه فى شعر بيقع طبيعى القط بيبلعه وبعد فتره بيرجعه كله مره واحده ودى مفهاش اى ضرر الا لو الموضوع زاد عن الحد الطبيعى.


س :- القطه بتاعتى عندها 6 شهور وانا نفسى اجوزها واشوف عيالها ياترى امتى سن بلوغ القطط ؟؟
ج :- القطه النتايه بتبلغ من 7 شهور وانت طالع والذكر من 8 شهور وانت طالع واللحوم بتنشط العمليه الجنسيه عند القطط وتساعد فى بلوغهم بسرعه اما الجواز فيفضل متتجوزش قبل سنة وشهرين عشان جسمها يكون اكتمل بنائة وتقدر ترضع ولادها.

س :- انا جيت انزل تحت عند قريبنا ساكن جنبينا وشايله القط بهدلنى خرابيش ونونوه ليه كده ؟؟
ج :- القط بيبقى خايف من الشارع لانه اول مره يشوفه وبالتالى بيخاف من العربيات وصوتها وهاكذا ولتجنب حدوث الموضوع ده نشترى بوكس للقط عشان اقدر اتنقل بيه براحتى من غير ما يبهدلنى


س :- انا القطه بتاعتى جوزتها من اسبوع وعاوزه اعرف اعراض الحمل هتبان عليها ازاى وامتى اتاكد انها حامل ؟؟
ج :- القطه مده حملها من 60 ل 63 يوم بيبان الحمل فى بدايه الاسبوع الخامس البطن بتكبر والقطه بتبقى متوتره وسلوكها متغير وممكن ترجع لو اكلت وده طبيعى وحلمات ثدرها بتكبر ولونها بيتغير للوردى وبيبان ان الحمل صحيح فى اول الاسبوع السادس الاجنه بتبدأ تتحرك حركه بسيطه ويستحسن ماتحسسش على بطن القطه عشان ممكن اضغط ضغطه بسيطه اموت الجنين
بالنسبه للاكل للقطه الحامل ما ااكلهاش اى كتير عشان مايكبسش على نفسها وما ااكلهاش الاكل اللى ممكن يسببلها امساك لان الامساك مع الاخراج ممكن يسقط الاجنه اديها بروتين وكالسيوم كتير ولو لاحظت انها بتقعد فتره يوم او يومين على ما تخش الحمام ما اقلقش كل ده طبيعى ومع بدايه الاسبوع السابع ابتدى اقص الشعر اللى حوالين حلمات صدرها واجهزلها مكان تولد فيه مظلم وتهويته كويسه وافرشه زى صندوق مثلا وهى هتولد لوحدها مع ملاحظتها عشان لو حصل اى حاجه اقدر اتصرف

مشاركة
Banner

Aly Ahmed

طبيب بيطرى ومدون حاصل على : تمهيدى الدكتوراة فى العلوم الطبية البيطرية تخصص الامراض المعدية، ودبلوم رعاية الحيوانات المنزلية، ودبلوم امراض الدواجن ورعايتها، ودبلوم التشخيص الاكلينيكى، ودبلوم الكيمياء الحيوى، ومؤسس شريك بعيادة ايجى فيت البيطرية، ومالك شركة بيطرى دوت كوم، ادارة وتأسيس المزارع والاشراف عليها توفير دراسات الجدوى لمشاريع الانتاج الحيوانى والداجنى والاشراف على تنفيذها، وللتواصل بالهاتف 01155449800 - 01068968406

أضف تعليق: