ring worm
- الامراض الجلدية وخاصة الفطريات (التنيا ) من الامراض الشائعة ف القطط واللى بتاخد وقت ومجهود ف علاجها نتيجة المقاومة السريعة للفطر لانواع الادوية المستخدمة ف العلاج وعدم الالتزام ف اعطاء الدواء وعدم تنظيف مكان الاصابة كما بالصور حيث يجب ازالة كل القشور وبقايا الادوية قبل وضع الجرعة العلاجية ف كل مرة وكذلك نتيجة طول مدة الاصابة والخوف من اصابتنا بالعدوى لانها من الامراض المشتركة بينا وبين القطط وعليه لابد من الاهتمام بتمشيط القط يوميا لازالة الشعر المتساقط واللى بيكون عامل مساعد للاصابة بالتنيا لانه بيعمل كلاكيع واللى بتوفر وسط مناسب لنمو التنيا وعدم وضع القط تحت اى ضغوط سواء بتغيير مكان اقامته او حتى تغيير مفاجئ لنوع الاكل مع الالتزام بالجرعات الوقائية من ادوية الديدان والحشرات حيث ان عدم الالتزام بها يزيد الاصابة سوءا.
- في الاول الشكوى كانت القطة 🐈بتجيليها حالات جنان و بتعد تبص علي ضهرها و بتجرى في الشقة كتير زى ما يكون في حد بيجرى وراها و هرش كتير مع ان الشعر ف مكانو و مش بيقع و بتاكل وبتشرب كويس ، مع الكشف تبين وجود كلاكيع شعر بطول جسمها دليل ع عدم التسريح واللى المفروض يكون بشكل دورى و بعد حلاقة وازالة الكلاكيع طبعا و دى اول خطوات العلاج تبين زى ما في الصورة .
- الring worm دى عدوة فطرية خطيرة بتصيب صديقك الاليف 🐾🐾 وبتضعف مناعته و بتخليه عرضة لامراض و مشاكل تانية كتير، الفطر بيسبب تساقط الشعر في مناطق العدوى و حكة بتختلف حدتها علي حسب شدة العدوى .
- الفطر بينتقل من حيوان لاخر بسرعة جدا عن طريق الاتصال المباشر و الغير مباشر يعني ممكن يتنقل بسبب ان صديقك الاليف كان موجود في مكان حيوان اخر مصاب ، و هنا بيتطلب سرعة التشخيص و العلاج لصديقك الاليف🐾 ، وهنا برضو وجب التنويه الring worm ده مرض مشترك بين الانسان و الحيوان !
- مع خطوات العلاج لازم نتبع اساليب النظافة الجيدة و اللي هي في حد ذاتها طبعا وقائية علشان ميصبش صديقك الاليف اى مكروه ، واجب عليك النظافة الدورية للمكان اللي متواجدين فيه علشان تتخلص من كل بواقي الring worm اللي بالتأكيد هتكون منتشرة في المكان في حالة اصابة صديقك الاليف ، لازم برضو حمايته من الاماكن الرطبة و الرعاية الخاصة لصديقك زى تسريح الشعر دوريا و تقصيره وتهذيبه .
Find a location near you
No comments:
Post a Comment