عاوز تعمل مشروع تسمين عجول ؟؟؟!!!!

عاوز تعمل مشروع تسمين عجول ؟؟؟!!!!

معاك فلوس وعاوز تستثمرها ؟!
عندك مكان وشخص تثق فيه وعنده خبرة!!!!!!!!!!!!!
يبقى عليك وتسمين العجول - ازاى ؟؟؟
لوفرضنا معاك 100 الف جنيه  >
اولا :عدد الحيوانات تقريبا من 10 الى 15 حيوان يقسموا الى ثلاث مجموعات (مجموعة وزن 160-180 كيلو -مجموعة وزن 275 كيلو - مجموعة وزن 320 -350 كيلو )   ليه كله مش وزن واحد ؟؟؟؟؟؟؟؟؟؟
عشان ما تملش وتزهق والمشروع يصرف على نفسة حيث لوفرضنا ان المدة الزمنية لتسمين عجل وزن 180 ك هى 6 شهور
اذا كل شهرين انت بتسوق مجموعة وياما تكبر المشروع ياما تصرف على الباقى 

ثانيا : العجل يستهلك علف خلال 6 اشهر يعادل واحد طن علف .

ثالثا :الادوية لاتزيد عن 40 قرش للعجل عند توزيعهم على العجول.

ملحوظة : 100 الف دول يشملوا سعر العجول والعلف المتوقع.

الرعاية والمتابعة ازاى ؟؟؟؟؟؟؟؟؟؟؟؟
هناك نظم مختلفة فى اسلوب الرعاية  افضل منها التالى :
1 - ىتم وضع العلفة على الساعة 6.30 صباحا  ثم يعرض على الماء من 8.30 الى 9.30 صباحا
2 - على الظهر يضع عليقة خضراء كالبرسيم فى الشتاء او الدراوة فى الصيف .
3 -على الساعة 3 العصر شتاءا  و 4 العصر صيفا توضع العلفة ثم يعرض على الماء بعدها بساعتين .
# ما سبق فى حالة لو متربطين لكنى افضل السايب :نفس مسبق الا ان الماء متوفر طوال الوقت

الرعاية البيطرية ؟؟؟؟؟؟؟؟؟؟؟
يتم المتابعة مع الطبيب فى الاتى :
1- عند استقبال العجول لتجريعهم ايفوماك سوبر يكرر بعد 15 - 21 يوم  وفاشيوليد وطاردات الديدان
2- اعطاء تحصين الكوفكسين 8 (Covexin 8 ) تكفى 100 حيوان او وان شوت (one shot ) تكفى 20 حيوان
3- يتم اعطاء التحصينات السيادية ( الحمى القلاعية والجلد العقدى وحمى الثلاث ايام والتسمم الدموى ) ويتم التنسيق مع الادارة البيطرية التابع لهل المزرعة.                                                                                                                           4-متابعة حيوية الحيوان وتشخيص حالتة

الصيدلية البيطرية ؟؟؟؟؟؟؟؟؟؟؟؟
1- مضاد حيوى
2- مضاد التهابات
3-خافض حرارة
4- فيتامينات

ملحوظة 2 : يفضل تنسق مع جزار او حتى هايبر ماركت لتسويق العجول سواء كعجول او لحوم .

واولا  وليس اخرا : لابد وان تكون النية فى انشاء هذا المشروع ارضاء ربنا وطاعة له وليس سعيا وراء ربح مادى حتى تثاب على هذاء المجهود
  $ ابسط يا عم فلوس وحسنات  $

وللمزيد راسلونى عبر صندوق التعليقات

والى اللقاء

د/ على عبدالرحمن