الطب البيطرى : مهنة ولا صنعة ؟؟!!!!!
عنوان صعب حبتين وخصوصا بالنسبة لى .
طب اية الهدف من العنوان ده ؟؟؟؟
هقولك ياسيدى ليه > للاسف نظرا لثقافة المجتمع ورؤيتة للطبيب البيطرى على انه دكتور ب..... ادت الى ان نسبة كبيرة من البيطريين يشعرون بالاحراج عندما يباغته احد ويسأله دكتور ايه حضرتك ؟؟؟ المشكلة مش فى السؤال دا عادى ولكن فى ردة الفعل التلقائية اللى بترسم على الوجه كانك صدمته ياعينى وبالتالى تتنقل تلقائيا لينا ودا سواء فى الاقاليم او القاهرة مفيش فرق كتير !!!!
ايه لازمه الكلام اللى فات ده ؟؟؟
لان نسبه كبيرة من البيطريين اتجهوا لنشاطات ووظائف فرعيه كالدعاية والتحاليل وحتى الصيدليات البشرى وليس البيطرى طبعا الكلام اللى فات جزء من الاسباب اللى ادت لذلك فيه اسباب اخرى كماديات وخلافة .
ويوم مايفكر فى مشروع اخر اولوياته مجالاته الطب البيطرى > طب ايه المشكلة فى كده ؟؟؟
مفيش مشكلة ولكن بيصعب عليا التفريط فى الصنعة دى وهيه صنعة ومجزية يعيبها انها محتاجة $ كاشات $ و النقطة دى سهل التغلب عليها ولينا كلام فيها بعدين $ .
خلاصة الكلام عشان مانتوهش من بعض لو كنت من اللى ربنا كرمهم بحب المهنة دى اجعلها هدف من اهدافك وانا اقصد مشاريع الانتاج الحيوانى والداجنى واتمنى تزود معرفتك وتوسع من ادراكك بالمجالات والفرص المتاحة ومتبطلش القراءة والمعرفة حتى لا تبتعد كثيرا وتحافظ على فرصك فى الاستفادة من هذا المجال .
ودا شئ يزودك ما ينقصك
على فكرة دكتور ب..... = دكتور بيطرى (دى الاجابة الصحيحة)
واللى اللقاء
د / على عبدالرحمن
Find a location near you
No comments:
Post a Comment